बैशाख ३, गोरखा । गोरखामा दोस्रो अन्तरपालिका स्तरीय उपमेयर महिला भलिबल प्रतियोगिता सुरु भएको छ। गोरखा नगरपालिकाको आयोजनामा सदरमुकामस्थित हरमटारी खेलमैदानमा प्रतियोगिता सुरु भएको हो।

प्रतियोगितामा गोरखा जिल्लाका पाँच स्थानीय तहका साथै गोरखा नगरपालिकासँग भगिनी सम्बन्ध रहेको धादिङको नीलकण्ठ नगरपालिकासहित कुल ६ टिम सहभागी भएका छन्। जसमा आरुघाट, अजिरकोट, शहीद लखन, बारपाक सुलिकोट, गोरखा नगरपालिका र नीलकण्ठ नगरपालिका रहेका छन्।

लिग चरणअन्तर्गत पहिलो दिन दुई खेल सम्पन्न भएका छन्। उद्घाटन खेलमा गोरखा नगरपालिका र नीलकण्ठ नगरपालिकाबीच प्रतिस्पर्धा भएको थियो, जसमा नीलकण्ठले ३-० को सेटमा जित हात पारेको छ। यस्तै, शहीद लखन गाउँपालिका र अजिरकोट गाउँपालिकाबीच भएको दोस्रो खेलमा शहीद लखन विजयी भएको छ।

प्रतियोगिताको विजेताले नगद रु १ लाख ३४ हजार पुरस्कार प्राप्त गर्नेछ भने उपविजेताले रु ६८ हजार, तेस्रो हुने टिमले रु ४० हजार र सान्त्वना स्थान हासिल गर्ने टिमले रु २० हजार पुरस्कार पाउनेछ।

गोरखा नगरपालिकाकी उपमेयर मसलीमाया थोकरको अध्यक्षता तथा मेयर कृष्ण राना मगरको प्रमुख आतिथ्यमा भएको उद्घाटन कार्यक्रममा प्रमुख जिल्ला अधिकारी तुसलीबहादुर श्रेष्ठ, प्रमुख प्रशासकीय अधिकृत एकदेव खनाल, खेलकुद विकास समितिका अध्यक्ष प्रेम तामाङ तथा पत्रकार महासंघ गोरखाका अध्यक्ष नरेन्द्र ढकाललगायतले शुभकामना मन्तव्य व्यक्त गर्नुभएको थियो। प्रतियोगिताको फाईनल वैशाख ५ गते शनिबार हुनेछ।

दोस्रो अन्तरपालिका स्तरीय उपमेयर महिला भलिबल प्रतियोगिताको सेमिफाईनलमा आरुघाट, शहीद लखन, बारपाक सुलिकोट र नीलकण्ठ नगरपालिका

बैशाख ४, गोरखा । गोरखामा जारी दोस्रो अन्तरपालिका स्तरीय उपमेयर महिला भलिबल प्रतियोगिताको दोस्रो दिन रोमाञ्चक प्रतिस्पर्धा भएको छ। गोरखा नगरपालिकाको

गोरखाका न्यौपाने बने ऊर्जा मन्त्री, गण्डकीमा मन्त्रिपरिषद् पुनर्गठन

वैशाख १, गोरखा । वैशाख १, गोरखा । गण्डकी प्रदेशमा मन्त्रिपरिषद् पुनर्गठनसँगै गोरखाका नन्द प्रसाद न्यौपाने ऊर्जा, जलस्रोत तथा खानेपानी मन्त्रीमा

यू–१३ राष्ट्रिय फुटबल प्रतियोगिता सम्पन्न, राष्ट्रिय फुटबल कटारी टाइगर र छात्रातर्फ गोरखा फुटबल क्लब विजयी

बैशाख १, गोरखा । गोरखामा युवा फुटबल प्रतिभा उजागर गर्ने उद्देश्यले आयोजना गरिएको यू–१३ राष्ट्रिय फुटबल प्रतियोगिता सम्पन्न भएको छ। द ओसन क्लब को