बैशाख ४, गोरखा । गोरखामा जारी दोस्रो अन्तरपालिका स्तरीय उपमेयर महिला भलिबल प्रतियोगिताको दोस्रो दिन रोमाञ्चक प्रतिस्पर्धा भएको छ। गोरखा नगरपालिकाको आयोजनामा हरमटारी खेलमैदानमा सञ्चालन भइरहेको प्रतियोगितामा शुक्रबार चार खेल तय गरिएमध्ये तीन खेल सम्पन्न भएका छन् भने एक खेलको नतिजापछि सेमिफाइनल समीकरण टुंगो लाग्ने भएको छ।

दोस्रो दिन सम्पन्न खेलमा धादिङको नीलकण्ठ नगरपालिकाले आरुघाट गाउँपालिकालाई पराजित गर्दै लगातार दोस्रो जित दर्ता गरेको छ। यस्तै अर्को खेलमा बारपाक सुलिकोट गाउँपालिकाले अजिरकोट गाउँपालिकामाथि जित निकाल्दै सेमिफाइनल यात्रालाई थप बलियो बनाएको छ।

त्यसैगरी आरुघाट गाउँपालिकाले गोरखा नगरपालिकालाई हराउँदै महत्वपूर्ण जित हात पारेको छ। उक्त जितसँगै आरुघाट सेमिफाइनलमा पुगेको छ।

आज हुने भनिएको अर्को खेल शहीद लखन गाउँपालिका र बारपाक सुलिकोट गाउँपालिकाबीच भोलि विहान मात्र हुने आयोजकले जनाएको छ। यी दुवै टोली सेमिफाइनल चरणमा प्रवेश गर्ने निश्चित भइसके पनि उक्त खेलको नतिजापछि समूह चरणको अन्तिम स्थान र सेमिफाइनल प्रतिस्पर्धाको समीकरण तय हुने बताइएको छ।

सेमिफाईनल खेल भने शहीद लखन गाउँपालिका र बारपाक सुलिकोट गाउँपालिका विच हुने खेलको विजेता टिमसंग शहिद लखन गाउँपालिका र उप विजेता टिमसंग निलकण्ठ नगरपालिकाले खेल्नेछ।

प्रतियोगितामा गोरखा जिल्लाका पाँच स्थानीय तह तथा गोरखा नगरपालिकासँग भगिनी सम्बन्ध रहेको धादिङको नीलकण्ठ नगरपालिकासहित ६ टोली सहभागी छन्। प्रतियोगिता भोलि वैशाख ५ गतेसम्म सञ्चालन हुनेछ।

दोस्रो अन्तरपालिका स्तरीय उपमेयर महिला भलिबल प्रतियोगिता सुरु

बैशाख ३, गोरखा । गोरखामा दोस्रो अन्तरपालिका स्तरीय उपमेयर महिला भलिबल प्रतियोगिता सुरु भएको छ। गोरखा नगरपालिकाको आयोजनामा सदरमुकामस्थित हरमटारी

गोरखाका न्यौपाने बने ऊर्जा मन्त्री, गण्डकीमा मन्त्रिपरिषद् पुनर्गठन

वैशाख १, गोरखा । वैशाख १, गोरखा । गण्डकी प्रदेशमा मन्त्रिपरिषद् पुनर्गठनसँगै गोरखाका नन्द प्रसाद न्यौपाने ऊर्जा, जलस्रोत तथा खानेपानी मन्त्रीमा

यू–१३ राष्ट्रिय फुटबल प्रतियोगिता सम्पन्न, राष्ट्रिय फुटबल कटारी टाइगर र छात्रातर्फ गोरखा फुटबल क्लब विजयी

बैशाख १, गोरखा । गोरखामा युवा फुटबल प्रतिभा उजागर गर्ने उद्देश्यले आयोजना गरिएको यू–१३ राष्ट्रिय फुटबल प्रतियोगिता सम्पन्न भएको छ। द ओसन क्लब को